Orgelet i Akershus slotsskirke ble bygget av Norsk Orgel-Harmoniumfabrikk i 1967. Vi demonterte og flyttet instrumentet til Verdalsøra kapell i mars 2024.
Om instrumentet skriver Stein Johannes Kolnes i 2024:
Norsk Orgel-Harmoniumfabrikks orgel til Akershus slottskirke utgjorde klimaks i firmaets framstøyt for å utfordre J.H. Jørgensens hegemoni i Oslo. Det begynte i periferien med orgelet til Sørum kirke i 1962, heldt fram med Grorud året etter, deretter Majorstua i 1965 bare noen hundre meter frå Jørgensens fabrikk og til slutt prikken over i'en med Akershus-orgelet i 1967. Det er verd å merke seg at Berntzen i Snertingdal engasjerte framståande ekspertise til å medverke på kvart av prosjekta: På Akershus var det arkitekt Olav S. Platou (son av ingeniør Olaf Platou), konsulent Knut Nystedt og intonatør Georg Westenfelder. Johan Amrud skar kongemonogrammet. Westenfelder etablerte seinare sitt eige orgelbyggeri i Luxemburg og bygde mellom anna orgelet i katedralen der. 1960-talet baud på sine vanskar, men slik er det med alle periodar. Det tragiske er at vurderingane deretter blei diktert av desenniets dårlegaste instrument, som i sin tur førte fram til ei unyansert oppfatning av at norsk var dårleg og utanlandsk bra. Dermed oppstod ein omfattande og ukritisk import av orgel. Dette er i seg sjølv merkverdig. Enda meir underleg er det at dei same haldningane framleis sit i.